«Արժեք Ավելացնող» և «Օպորտունիստիկ» ներդրումներն անշարժ գույքում

– Հասկանալով Արժեք Ավելացնող ներդումային հնարավորությունները

Անշարժ գույքի անկանխատեսելի և մրցակցային շուկայում վերջերս մեծ տարածում է գտել Արժեք Ավելացնող ներդրումային ռազմավարությունը։ Այս մոտեցման շնորհիվ ներդրողները գտնում և շահագործում են, օրինակ, բնակարան, որի պոտենցիալը չբացահայտված է և որն արժեքի ավելացման մեծ հնարավորություններ ունի։ Այսպիսի գույքերում առկա են որոշակի խնդիրներ կառավարման կամ վերանորոգման հետ, սակայն դրանք լուծելու դեպքում կա բարձր եկամտաբերություն (10-15%) ստանալու մեծ պոտենցիալ։ 

Այսպիսի ներդրման օրինակ է, երբ հին վերանորոգմամբ բնակարանի վրա կատարում են զգալի ներդրումներ՝ ամբողջովին վերափոխելով դրա ոճը և կոնցեպտը։ Այդպիսի անշարժ գույքի ներդրումների տիպերը պահանջում են խորը գիտելիքներ անշարժ գույքի, ռազմավարական պլանավորման և դրանց ամենօրյա վերահսկողության վերաբերյալ:

– Արժեք Ավելացնող ներդրումային հնարավորությունների հիմնական յուրահատկությունները

1. Գույքի ընտրություն․ Արժեք Ավելացնող ռազմավարության համար անհրաժեշտ է կատարել մանրակրկիտ ուսումնասիրություն և գտնել համապատասխան գույք։

2․ Բարելավումներ․ Անհրաժեշտ է իրականացնել զգալի բարելավումներ՝ լինի դա վերանորոգման, թե գործառնական կառավարման տեսքով, գույքի արժեքի աճը լինի բավականին նկատելի։

3․ Կանխատեսումներ․ Գույքի թաքնված պոտենցիալը բացահայտելու համար պետք է տիրապետել համապատասխան խորը գիտելիքների և իրականացնել ռազմավարական պլանավորում։

4․ Մրցակցային առավելություն․ Անշարժ գույքի շուկայում տարբերվող և առանձնացող գույքերը ձեռք են բերում մրցակցային առավելություններ, իսկ Արժեք Ավելացնող ներդրումները թույլ են տալիս ստեղծել յուրահատուկ միջավայրեր։

– Հասկանալով Օպորտունիստիկ ներդումային հնարավորությունները

Նրանք, ովքեր պատրաստ են դիմել ռիսկի՝ առավելագույն շահույթ ստանալու համար, սովորաբար ընտրում են Օպորտունիստիկ ներդրումային ռազմավարությունը։ Օպորտունիստիկ ներդրողներն ընտրում են ամենաբարդ նախագծերը և պատրաստ են սպասել մի քանի տարի՝ բարձր եկամտաբերություն ստանալու համար (20%+): Սա պարզապես անշարժ գույքի առք ու վաճառք չէ։ Այս դասին են պատկանում սկզբնական փուլում գտնվող նախագծերը, որոնց եկամտաբերությունն անհամեմատ մեծ է մյուս տիպի ներդրումներից։ 

Օպորտունիստիկ ներդրումային նախագծեր իրականացնելու համար անհրաժեշտ է տարիների փորձ և մասնագետների թիմ։ Այսպիսի ներդման հիմքում շուկայի յուրահատուկ հնարավորությունը տեսնելն է և դա օգտագործելը։ Ի տարբերություն Բազային գույքերի, այս դեպքում ներդրողները կենրոնանում են հնարավորությունների վրա, ոչ թե ռիսկերի կամ ապահովության։ Այսպիսի ներդրողներն ունեն ռիսկի նկատմամբ ավելի բարձր հանդուրժողականություն, ավելի բարձր կրեատիվություն և ավելի խորը գիտելիքներ շուկայի վրաբերյալ։

– Օպորտունիստիկ ներդրումային հնարավորությունների հիմնական յուրահատկությունները

1․ Ճիշտ հնարավորություն․ Գույքի ճիշտ ընտրությունից բացի Օպորտունիստիկ ներդրումային ռազմավարությունը պահանջում է նաև ճիշտ պահին ճիշտ գործողությունների իրականացում։

2․ Բարձր ռիսկ, բարձր եկամուտ․ Այսպիսի ներդրումները պարունակում են բազմաթիվ ռիսկեր, սակայն նաև դրա դիմաց ստացվող եկամուտն է անհամեմատ մեծ մյուս տիպի հնարավորություններից։

3․ Փորձ և գիտելիքներ․ Օպորտունիստիկ նախագիծ իրականացնելու համար անհրաժեշտ է հմուտ մասնագետների թիմ և ռազմավարական մոտեցում, ինչպես նաև մեծածավալ աշխատանքներ։

4․ Ռեսուրսներ և ժամանակ․ Օպորտունիստիկ նա[ագծերը ռեսուրսատար են, երբեմն անհրաժեշտ է լինում սկսել հատակագծից, իսկ արդյունքը սկսում է երևալ տարիներ անց։

– Ռազմավարությունների առավելություններն ու թերությունները

– Ռիսկ

Թե՛ Արժեք Ավելացնող, թե՛ Օպորտունիստիկ ներդրումային հնարավորությունները պարունակում են ավելի մեծ ռիսկեր, քան Բազային կամ Բազային Պլյուսը։ Օպորտունիստիկի դեպքում ավելի մեծ է նաև անորոշությունը։

– Աշխատանք

Օպորտունիստիկ ներդրումային ռազմավարության դեպքում աշխատանքներն անհամեմատ ավելի մեծ են մյուս բոլորից, քանի որ երբեմն անհրաժեշտ է լինում սկսել շինարարական աշխատանքները 0-ից, իսկ իրականացման համար պահանջվում են շատ ավելի խորը գիտելիքներ։

– Եկամտաբերություն

Եթե Արժեք Ավելացնող ռազմավարության եկամտաբերությունը որոշակի տոկոսով կանխատեսելիորեն մեծ է Բազային և Բազային Պլյուսից, Օպորտունիստիկ ռազմավարության դեպքում եմատուտները կարող են լինել ներդրումներից մի քանի անգամ մեծ։

– Կրեատիվություն

Արժեք Ավելացնող ռազմավարության համար, իհարկե, վերլուծական աշխատանքներից բացի անհրաժեշտ է ներդնել նաև ստեղծագործական միտք, սակայն Օպորտունիստիկ ներդրումային նախագծերի դեպքում  դրանց չափաբաժինները շատ ավելի մեծ են։

Ինչպես նշել ենք այս բլոգի առաջին մասում, անշարժ գույքի շուկայում ներդրումներ կատարելիս շատ կարևոր է հաշվի առնել կապիտալի դիվերսիֆիկացիան և չսահմանափակվել միայն տների վաճառք կամ վարձակալություն կատարելով։ Սա նշանակում է, որ ճգնաժամերի ժամանակ մեծ կորուստներից խուսափելու և աճի ժամանակ ստեղծված հնարավորություններից օգտվելու համար անհրաժեշտ է հասկանալ անշարժ գույքի ներդրումների տիպերը։ Ներդրումների այսպիսի բաշխումը տալիս է ճկունություն և նվազեցնում է ընդհանուր ռիսկերը՝ թույլ տալով ավելի արագ և արդյունավետ կերպով հասնել սեփական ֆինանսական նպատակներին։